Ellie’s POV
Pagkatapos kong maligo ay napagdesisyunan kong bumaba na muna upang makasagap ng sariwang hangin. Balak kong maglakad-lakad sa labas upang makahanap ng p’wedeng gawin.
Hindi naman ako p’wedeng tumulong sa kusina dahil wala naman akong alam sa pagluluto. Sinubukan ko noon na tumulong pero pinagtawanan lamang ako ni Manang Cora. Bago pa nga ako sumubok magluto ay sinabihan na ako nitong hindi ako magaling sa pagluluto na siya ngang totoo. Nakakapagtaka nga dahil na-predict agad ni Manang. Ang niluto kong adobo noon ay nasayang lamang dahil nasobrahan ko ang timpla roon. Kailangan ko pang manood ng mga cooking shows sa youtube nang may maibuga naman ako pagdating sa kusina.
Nakakahiya naman kasi sa kanila na wala man lang akong magawa rito habang hindi pa ako inuutusan ni Senyo
