Keeion’s POV
“Keeion!”
Napalingon ako sa taong bumanggit sa pangalan ko. Kasalukuyan akong nagluluto ng soup na gagawing agahan ni Ellie mamayang pagkagising nito. Narito ako sa kusina nang biglang may pamilyar na boses ang umalingawngaw sa loob ng kwarto.
Nagtaka ako dahil hindi man lang ito kumatok. Kabilin-bilinan ko pa naman sa lahat maging kila Tedson, Arya at Manang na kumatok na muna at hintayin nilang pagbuksan ko sila kapag alam nilang narito ako sa loob.
Pinunas ko saglit ang basang kamay ko sa apron na suot ko. Katatapos ko lang kasi hugasan ang mga sangkap na ihahalo ko sa soup.
Naglakad ako papunta sa pinto.
Hindi ko inaasahan ang taong pumasok sa loob.
“Dad…”
Tumikhim ito nang pasadahan niya ng tingin ang natutulog na si Ellie. Mabuti na lamang at hindi ito nagising s
