Ellie’s POV
Nagising ako dahil sa ingay na nagmula sa isang bagay na nahulog. Marahan kong iminulat ang aking mga mata at agad hinanap kung saan nagmula ang ingay na iyon.
Natuon ang atensiyon ko sa taong nasa mini kitchen ng kwarto.
“Did I wake you up?” Nakalingon ito sa akin at kahit nasa medyo kalayuan ito, napansin niyang gising na ako. “Nadulas ang kamay ko kaya nahulog iyong bowl. I’m sorry, love, kung naistorbo ko ang tulog mo.”
He’s wearing a white t-shirt and boxer short. May black apron ding nakasuot sa kaniya. Kasalukuyan siyang nasa kusina at nagluluto.
Nauna pa pala siyang nagising kaysa sa akin. Well, ganito naman talaga siya. Naaalala ko na noon pa man, siya na talaga ang nauunang nagigising sa amin. Ako ang tulog-mantika sa aming dalawa samantalang siya, mas nauunahan
