Arya’s POV
“Ano ba, Tedson!”
Sa hindi na mabilang na beses, muli ko na namang inilayo ang pagmumukha nito sa braso ko. Kulang na lang ay maglagay ako ng barrier sa gitna namin nang hindi ko na paulit-ulit na inaalis ang mukha nito mula sa pagkakasandal sa kanang balikat ko. Ang bigat pa naman niya sumandal! Buti sana kung malapad itong balikat kaso hindi, eh!
Kapag talaga ako napikon, ihuhulog ko na ito sa sasakyan. Doon siya matulog sa kalye! Hindi ko na iyon kasalanan.
Bahala na siya kung paano ito uuwi pagkagising niya. Bahala na siyang manghula kung ano ang nangyari. Wala rin naman akong pakialam kung magalit man siya sa akin. Kung tutuusin, siya pa dapat ang sinisisi ngayon kung bakit ito nangyari sa kaniya.
Kung hindi ba naman siya mayabang at magkunyaring easy lang sa kaniya a
