LIFE'S STORIES

Summer Tears

Narito ngayon, nakatingin  sa malayo,

Tinatanaw kung saan ang langit at dagat ay nagtatagpo

Iniisip noong ikaw at ako ay unang nangako

Nagpasyang ibuklod,  ating mga puso

Panahon ng tag- init nang ika'y aking inibig

Sa ngiti ng araw,  pagmamahal mo sa akin ay nabanggit

Ilang buwan at taon, mundo natin ay sumayaw

Nabuhay ng matiwasay na tayo lamang ang magkaulayaw

Ngunit ang buhay sadya yata'ng kay lupit

Ang saya at perpektong pagsasama,  tila bigla na lang pumait

Ang mga ngiti sa ating labi

Napalitan ng lihim na mga hikbi

Oh,  ang kapalaran nga naman sadyang mapanlinlang

Hindi mo masasabi kung nasaan ang hangganan

Ang sikat ng araw na puno ng init

Ngayon di kayang tumunaw sa pusong kay lamig

Ang alon ng dagat na dati'y saksi sa  pag-ibig

Ngayon ay tahimik at sa paninibugho ko ay nakikinig

Hanggang kailan ako magkakaganito?

Kung taon-taon , tuwing ganitong panahon,  ikaw lang ang nasa alaala ko

Hanggang kailang maghihintay, sa iyo'ng pagbabalik

Hanggang kailan masusubukan kalimutan ang iyong halik

Panalangin ko sa may Kapal, araw gabi kong inuusal

Tila di naririnig, aking mga dasal

Darating pa ba, ang araw ng pagdiriwang

Ang araw at oras na hindi ika'y di na magpaparamdam

Matitigil pa ba ang damdaming nagluluksa

Ang mapait mong dulot kailan aalisin ni Bathala?