MARIEL / GENEVIEVE POINT OF VIEW
Hindi ko alam kung anong parte ng langit o impyerno ang binigay sa’kin ng pagkakataong ‘to. Hindi pa nga ako nakaka-adjust sa katawan ni Genevieve—o sa tinatawag nilang “My Gene”—heto’t may isang clingy na lalaki nang biglang sumulpot at parang inaangkin ang buong pagkatao ko. At mas malala, parang siya pa ang tunay na boyfriend.
Pero ang mas nakaka-badtrip? Wala akong maalala tungkol sa kanya.
Hindi ko alam kung dahil sa impact ng pagkamatay ni Genevieve o dahil may parte talaga ng utak niya na sarado sa akin, pero every time na sinusubukan kong hukayin ang memorya tungkol sa lalaking ‘to, para akong tumatama sa pader. Minsan may flash, pero malabo. Parang panaginip na hindi ko mahawakan nang buo.
“May Gene, dito tayo,” sabi niya habang itinuturo an
