MARIEL / GENEVIEVE POINT OF VIEW
Ang totoo niyan, kahit kailan hindi ko naisip na mapapatawag ako sa principal’s office dahil lang sa simpleng middle finger. Pero eto na nga tayo. Dati akong tinatawag sa presinto, ngayon upgraded na—principal’s office na. Sikat na ba ‘to? O red flag?
Kasalukuyan akong naglalakad papunta sa admin building habang bitbit ang isang tray ng mainit na kape. Para sa principal? Hindi. Para sa akin. Pero naisip ko na baka mas maging dramatic ang dating ko kung may bitbit akong kape at may aura akong parang may seminar akong iko-conduct. Wala lang, trip ko lang.
Pagdating ko sa harap ng opisina, napansin ko agad ang malupit na tanawin—isang mesa, tatlong guro, ang guidance counselor, at si Mr. Bigote—ang principal. Mukha silang handang i-exorcise ang kaluluwa ko
