Bumagsak si Jeric mula sa isang pag-atake ni Adrian. Tumalikod lang si Adrian na lumapit kay Rico.
"Itigil na natin ito! Hindi mo kakayanin ang Zulu," wika ni Adrian.
"Masyado kang malupit sa kanya, Addy," puna ni Rico.
"Sir Rico, kailangan kong gawin dahil nangako akong pangangalagaan sya. Isa syang sundalo ngayon, hindi ko sya kapatid," katwiran ni Adrian na nagpunas ng pawis.
Nilapitan ni Adrian si Jeric.
"Susuko ka na lang ba at mahihiga dyan?" hamon ni Adrian kay Jeric.
Nagpipilit bumangon si Jeric.
"Kaya ko pa po," ani Jeric na tumayo.
"Tama na. Masasaktan ka lang muli. Ayoko nang saktan ka," wika ni Adrian .
"Kaya ko pa po. Gusto ko pong lumakas," katwiran ni Jeric.
Magsasalita sana si Adrian pero pinigilan sya ni Rico.
"Bakit gusto mong lumakas? Anong misyon mo?" tanong
