Nagpasya si Jude bumalik ng clinic matapos makatanggap ng mensahe mula sa nurse na gising na si Jeric.
"Hindi mo na sya pupuntahan?" tanong ni Jude.
Umiling si Zarah.
"Mauuna na po ako. Kailangan ko na rin pong umuwi," paalam ni Zarah.
"Mag-ingat ka. Pakiusap pag-isipan mo ang sinabi ko," wika ni Jude.
"Sige po," ani Zarah na naglakad palayo.
Nagtungo si Jude sa clinic at sinundo si Jeric. Paglabas nila sa parking area naroon si Sol nakatiklop ang braso sa dibdib. Tahimik na pumasok sina Jeric at Jude sa kotse. Ihinatid sila ni Sol sa ospital. Muling nilagyan ng swero si Jeric na nahiga sa kama nya. Nag-usal ng spell si Sol. Nakaramdam si Jeric ng bigat sa katawan nya.
"Hindi ka na maaaring umalis sa ospital," seryosong wika ni Sol.
"Ano pong ginawa mo?" tanong ni Jeric na sinubuka
