Kaagad ding naglaho si Akira. Napaupo sa lupa si Jeric noon na hinang-hina pa. Isang Suran ang sumunod na lumitaw sa harap nya.
"Malas!" nasambit ni Jeric sa sarili na pilit lumuhod para maghandang idepensa ang sarili nya.
Nagbago ang paligid na hindi nya kaagad naramdaman. Huli na nang napansin nya na mas mapanganib ang lagay nya sa lugar na iyon.
"Ano itong lugar na ito?" tanong ni Jeric.
"Maligayang pagdating sa Death Zone. Isang dimensional rift sa pagitan ng dalawang mundo. Ito ang magiging libingan mo! Hindi ka na makakatakas," anang Suran.
Sinubukan ni Jeric magteleport paalis pero hindi iyon umepekto. Pinindot nya ang evac button ng relo nya pero walang nangyari.
"Malas talaga! Hindi pa sapat ang lakas ko!" nasambit ni Jeric .
"Sinasabi na. Maswerte ako ang nakahuli sa'yo.
