"Boss, hindi po siya pumasok ngayon. Ang sabi ng mga kaklase niya ay tinawagan din daw po sila ng mga magulang ni Carla at nagbabakasakali raw na baka sa kanila nagpunta ang dalaga," pagre-report sa akin ni Allen.
Gigil na kinuwelyuhan ko ito, "Hanapin niyo si Carla kung ayaw niyong kayo ang ibaon ko sa lupa!"
Padaskol na binitiwan ko si Allen kung kaya't nawalan ito ng balanse, dahilan para malugmok ito sa lupa.
Inihagis ko ang bawat gamit na nakapatong sa ibabaw ng lamesa. Wala akong pakialam kung nabasag ko na ang mga gamit na nakapatong roon.
Gusto kong patayin si Rose sa ginawa niyang paghalik sa akin lalo na at naabutan pa ito ni Carla.
Matapos kong ibalibag si Rose sa sahig ay hinabol ko si Carla. Ngunit sadyang kaybilis nang pagkilos nito kung kaya't 'di ko naabutan ang dalaga
