PAGDATING sa mansion, walang nakapansin na ibang tao ang dumating at hindi si Analyn. Tumuloy ito sa master's bedroom kung saan ang silid ni Theodore. Naabutan naman nitong nahihimbing si Theodore at kitang nilalagnat. May cool fever pa sa na nakadikit sa noo nito.
Napalunok ito na dahan-dahang lumapit sa dating kasintahan. Mas lalo pa yata itong gwumapo ngayon. Kitang napakaaliwalas ng mukha nito kahit may karamdaman.
"Mukhang. . . inaalagaan ka ng maigi ni Analyn, Theo. Kaya kahit nalaman mong hindi siya ako, pinakasalan mo pa rin," piping usal nito.
Maingat itong naupo sa gilid ng kama na marahang hinaplos sa buhok si Theodore. Laking pagsisisi niya na trinaydor niya ito. Napakaganda na ng buhay niya sa piling nito. Na reyna na kung ituring siya ni Theodore. Pero dahil sa kapusukan
