PARANG maiihi sa pantalon si Analyn sa halo-halong nadarama habang nasa byahe sila. Idagdag pang naipit sila sa traffic kaya lalong napapatagal ang pagdating niya sa mansion. Natatakot ito sa maaaring madatnan doon. Pero mas nananaig ang kagustuhan at tapang nito na makauwi at ipaalam kay Theodore ang mga ginawa ni Annalisa sa kanya. Lalo na sa baby nila.
Napahaplos ito sa baby bump nito na nangingilid ang luha. Hindi nito mapigilang maging emosyonal habang hinahaplos ang tyan nito.
"Kapit lang, anak ha? Makakabalik din tayo sa daddy Theo mo," pagkausap nito sa anak na pilit nilalabanan ang takot at kaba.
Napapikit ito na mahinang napahikbi nang bumubos ang malakas na ulan. Lalo tuloy bumigat ang daloy ng trapiko.
"Ma'am, lumipat na lang kayo ng masasakyan. Masyadong mabagal ang tr
