CHAPTER 19
Lucas POV
Umaga pa lang, alam kong magiging magandang araw ito. Bakit? Simple lang, dahil pupuntahan ko na naman si Khiki. Hindi ko alam kung anong meron sa babaeng iyon, pero parang hindi kumpleto ang araw ko kapag hindi ko siya nakikita.
Pagbaba ko, naroon agad si Mommy sa kusina. "Lucas, anak, kumain ka muna bago ka umalis."
"Mom, may importanteng pupuntahan ako," sagot ko habang pasimple akong dumampot ng pandesal.
"Khiki na naman ba? Anak, napapansin ko na ‘yan ha," sabay kindat ni Mommy.
"Mom naman!" Napairap ako. "May kailangan lang akong gawin."
"Sabihin mo, nanliligaw ka na ba talaga sa batang iyon?"
Hindi ako sumagot. Sa halip, tumalikod na lang ako at naglakad palabas ng bahay. Ang galing talaga ni Mommy mang-asar.
Pagdating ko sa tindahan ni Khiki, sakto nam
