Chapter 75
*Abby*
Iniwan ko na si Tere sa kusina. Nababagabag pa rin ako sa dobleng sweldo na pinakiusap niya kay Jason. Malaki talaga ang pangangailangan niya kung titignan. Kaya lang, sinusobsob niya ang sarili sa trabaho. Gusto kong makatulong pero kailangan ko munang kausapin si Jason tungkol doon.
Naglakad ako at hinanap sila. Sa laki ng bahay ay hindi ko sila mahagilap. Dalawang palapag lang ang bahay pero sobrang lawak at malaki.
May ilang kwarto na hindi ko alam kung tulugan ba ‘yon o may ibang laman. Hindi ko pa nalilibot ang bahay niya dahil kagabi lang kami dumating dito.
Umakyat ako sa itaas para doon naman maghanap. Palinga-linga ako sa paligid hanggang sa may narinig akong tunog ng piano. Sinundan ko ang magandang tugtog na ‘yon. Hanggang sa dalhin ang mga paa ko sa isa
