Chapter 40
*Abby*
Bumalik si Tita at sinabihan akong pumunta sa may OB-Gyne. Sinabi niya sa’kin kung saan banda. Kinakabahan akong tumungo doon. Kumatok muna ako ng dalawang beses sa pintong nakabukas na. May nurse na naka-assign doon at doon ako lumapit.
“Hi, Ma’am kayo po ba ‘yong anak ni Mrs. Gomez?” Bati niya sa’kin. Anak ni Mrs. Gomez? Nahiya ako bigla dahil iyon talaga ang sinabi ni Tita?
Inaasahan na agad ako ng nurse. Siguro ay kinausap ni Tita. Mahina na lang akong tumango sa kaniya.
“I-check ko lang po ang BP niyo, Ma’am,” paalam niya at saka niya kinuha ang gamit.
Kinuhanan niya ‘ko ng blood pressure at tinanong ang buong pangalan at edad saka niya ‘ko sinamahan sa sumunod na pinto. Naghihintay na raw si Doktora sa loob. Kinakababan akong pumasok doon.
“Good morning po,
