Chapter 43
*Abby*
Nahihiya akong kinuha ang bulaklak kay Kevin. Hindi pinansin ni Jason ang pagkaway na ginawa niya. Inaya ko si Kevin sa pool area. Ayoko sa may garden dahil naroon si Samantha na bad trip na yata kay Jason.
“Bakit hindi tayo doon sa garden?” Tanong ni Kevin.
Nakatitig pa rin si Jason at ngayon ay nakakuyom na ang kamao. Agad kong hinila si Kevin. Nakakatakot ang titig niya. Para siyang dragon na bubuga ng apoy. Galit pa rin yata siya sa’kin dahil sa sinabi ko kay Samantha kanina.
“Hayaan mo sila doon,” wika ko. Kumunot ang noo niya at nagsalubong ang kilay.
“Why? Nandoon si Jason,” saad naman niya. Minsan talaga ay may pagkatsismoso rin itong si Kevin ‘e.
“Asawa niya raw ‘yon,” mahinang boses ko.
Nilapag ko sa pabilog na upuan dito sa may pool area ang bigay na bu
