Chapter 30
*Abby*
Hinila niya ako patungong kusina. Wala na nga si Samantha pati na rin ang pagkaing dala niya kanina. Pero nasa lamesa pa rin ang mga platong nakalatag kanina.
Pinaghila ako ni Jason ng upuan at pinaupo doon. Tahimik akong umupo doon pero dama ko na ang gutom. Nakita ko siyang tumungo sa ref at may kinuha doon. Kinuhanan niya ako ng isang bar ng chocolate.
“Konti lang ang kainin mo, baby dahil baka mabusog ka sa chocolate. Dapat doon ka kang sa adobo ko mabubusog,” saad niya at saka kumuha ng mga ingredients sa ref niya. Ngumuso lang ako dahil sa sinabi niya.
Kinuha niya sa isang drawer ang kulay itim na apron. Nakita kong inalis niya ang suot na v-neck shirt at saka sinuot ang itim na apron. Kailangan ba talagang gawin ‘yon? Ganito ba talaga siya magluto? Sobrang hot
