Chapter 31
*Abby*
Dinala niya ako sa kusina at nakita ko ang mga nakahain sa lamesa. Nagluto pa siya ng ginisang broccoli na may sahog na baka. Natakam ako at agad naramdaman ang gutom.
Inasikaso niya ‘ko na parang kakain sa restaurant. Natatawa naman ako sa ginagawa niya. Dahil nape-feeling professional siya. Nilagyan niya pa ako ng towel sa ibabaw ng hita. Ang baso pang nakalabas ay ‘yong wine glass. Juice lang ang nilagay niya doon dahil ayoko ng wine. Pangit ng lasa.
“May waiter bang naka-topless?” Natatawang tanong ko. Nameywang naman siya sa harap ko kaya mas lalo akong natawa.
“Ako,” tila pagmamalaki niya.
“Masesesante ka sa trabaho kapag ganiyan,” natatawang saad ko.
“No,” nakangisi niyang saad.
“At paano mo naman nasabi, aber?” tanong ko.
“Hindi ako masisisante dahil ika
