Chapter 29
*Abby*
Sa dami ng kakainan ay dito niya pa napili. Nananadya ba siya?! Talagang hindi ko nagustuhan ang ginawa niya kanina kay Jason. Sinadya niya ‘yon alam ko. Nang makita niya ako ay bigla na lang niyang ginawa ‘yon.
Sumunod kami ni Jason sa kusina. Nakita ko siyang naghahanda ng mga plato. Dalawa lang ang nilapag niya. Dalawang baso lang din. Parang pang dalawang tao lang ang hinanda niya. Inayos niya pa ‘yon at saka nilabas sa paper bag ang mga dala niyang pagkain.
“Have a sit,” nakangiting saad niya.
Umupo naman si Jason at ako ay nanatiling nakatayo. Tinignan niya ‘ko. “Oh, sorry. I forgot you. Kasama ka pala sa dinner na ‘to. Pang dalawang tao lang kasi ang in-order ko. Akala ko kasi… si Jason lang ang nandito. May kasama pala siya,” inosenteng saad niya.
Nainis man
