Chapter 49
*Jason POV*
Maingat ko siyang sinakay sa sasakyan. Nawalan siya ng malay kanina. Pagkasara ko ng pinto ay bigla kong nakita si Mom. Mukhang pupunta rin siya ng Mall. Nagulat pa siya nang makita ako.
“Jason, anak. What are you doing here?” tanong niya sa’kin at agad na lumapit.
“Kasama mo ba si Abby?” Dagdag niya pa.
“Yes, Mom. Nawalan siya ng malay,” saad ko kaya agad siyang nag-alala.
“Where is she?” Nag-aalala niyang tanong kaya tinuro ko ang likod ng sasakyan.
Sinulyapan niya ‘yon na parang hindi nababahala. Samantalang ako ay hindi mapakali buhat kanina sa loob ng store.
“Iuwi mo na siya sa bahay,” saad ni Mom kaya kumunot ang noo ko.
“Hindi sa hospital, Mom?” tanong ko. Dapat ay sa hospital ko siya dadalhin.
“No, anak. Iuwi mo na siya sa bahay. Susunod ako,” saad
