Kanina pa masama ang pakiramdam ni Francesca. Mula Bulacan hanggang Manila ramdam na ramdam niya ang init. Parang lalagnatin siya. Subalit bawal siyang magkasakit. Sa dami ng trabahong tatapusin sa opisina ay napwersa pa rin siyang pumasok.
Sapo-sapo niya ang ulo habang binabasa ang plano para sa darating na launching. Nahihilo na siya sa mga figures pero wala pa rin siyang maintindihan. Parang bubuyog na ume-echo sa tainga niya ang mga sinabi ni Madam India. Weird, dahil hindi siya interesadong marinig pa ang kalokohang iyon.
"Talagang pinangatawanan mong hindi sumama sa amin kanina?"
Natigilan siya sa pagbabasa nang marinig ng seryosong boses ni Melvin. Nakatayo ito sa harap ng mesa niya at hindi niya iyon naramdaman.
Ibinalik ulit niya ang atensiyon sa binabasa. "Kung aawayin mo lan
