"CUT!" Palakpakan ang mga tao sa buong set. Sa wakas, halos isang linggo rin kaming walang tulog para lang matapos ang ginagawa naming pelikula.
Napaupo na lang ako sa gilid. Isang buong linggo napagod ang buong katawan ko. Kahit hatinggabi na kasi ay patuloy pa rin kami sa taping kaya halos mamugto na ang mata ko.
"Congrats, natapos na rin sa wakas ang taping," si Trayce habang tumatabi sa akin.
Ako naman ay hindi ko mapigilang kabahan. Hindi ko alam na aabot pala sa gano'n ang kailangan kong gawin. Mayamaya ay tinapik niya ang balikat ko.
"Okay lang 'yan. Huwag kang kabahan diyan. Hindi mo naman ginawa 'yun, eh." Tumango lang ako at saka ngumiti.
Imbes na sumama sa kanila sa celebration ay nauna na akong umuwi dahil maghahatinggabi na. Sigurado akong kanina pa naghihintay si Carlos
