WARREN
“Anong meron? Bakit naglalasing iyan?”
Nag-angat ako ng tingin at nakita ko si Winston na kadarating lang. Kunot na kunot ang noo niya habang nakatingin sa akin. Itinaas ko ang bote ng alak na hawak ko para alukin siyang uminom bago ako iyon nilaklak.
Kanina ay si Enzo lang ang nandito pero siguro ay tinawagan niya si Six at Warren kaya dumating din sila.
Nagtungo ako kanina kay Max pero pinagtabuyan niya ako. Buong araw ko na siyang kinukulit at humihingi ako ng sorry pero ayaw talaga niya akong pansinin. Cold na naman siya. Nakakatakot pa naman kapag hindi siya nagsasalita, ang hirap hulaan ng iniisip niya.
Nakasuot pa rin ako ng pambabaeng damit na suot ko kanina. Nag-effort na akong maging ganito para lang pansinin niya ako pero wala pa rin. Tumawa lang siya sa hitsura ko
