MAX
Lumipas ang mga araw. Magaling na ang mga paa at naging maayos na rin muli ang trabaho ko. Hindi pa rin ako nakakapaghanap ng extra work pero madami naman akong overtime kaya medyo mas malaki ang sweldo ko kaysa noong nakaraan kaya bawi pa rin ako. Siguro sa overtime ko na lang babawiin.
Si Warren naman ay pasulpot-sulpot pa rin na parang kabute. Hindi ko talaga alam ang trip niya sa buhay. Bigla na lang siyang sumusulpot at bigla din siyang nawawala. Gaya na lang ngayon, hindi ko alam pero apat na araw na siyang hindi nagpapakita sa akin. Ayos lang naman sa akin, at least tahimik ako at walang nanggugulo sa akin, pero minsan masasabi kong nasanay na akong nasa paligid siya.
Pagkatapos kong mag-out sa trabaho ay agad na akong lumabas ng Gallado Tower pero nakita ko sina Cecille at
