MAX
“Manong sumama ako sa inyo pero hindi ibig sabihin na girlfriend ako ni Warren. Tropa lang po kami,” saad ko kay Manong Driver habang nagmamaneho siya ngayon. Wala naman na akong choice kundi sumama sa kaniya.
Nag-aalala din naman ako kay Warren. Feeling ko may kasalanan din ako kung bakit may sakit siya ngayon. Bakit kasi nag-stay pa siya sa labas ng apartment ko gayong may kotse naman siya o kaya dapat umuwi na lang siya.
Nang pumasok ang sasakyan sa isang mataas na gate ay muntik na akong mapanganga. Mala-mansyon ang bahay, medyo malayo pa iyon sa gate. May fountain sa gitna papunta sa bahay. Hindi ko mapigilang humanga sa buong paligid. Ganito kaganda ang bahay ni Warren tapos sa apartment ko siya tumatambay gayong ang liit-liit noon.
Mabilis akong sumunod kay Mang Tomas nang p
