MAX
“Are you trespassing?”
Pinigilan ko ang sarili ko na ikutan siya ng mata dahil sa tanong niya. Sa tingin ba niya kung trespassing ako kalmado akong lalabas sa kwarto ni Warren? Saka sa taas ng pader, makakapasok ba ako basta-basta dito? May maibintang na lang siya. Ang ganda pa naman niya pero parang ang hina ng utak niya.
“Hindi. Pinaparito ako mismo dahil may sakit si Warren,” sagot ko kay Sophie.
Naka-high heels na ito pero mas matangkad pa rin ako sa kaniya. Siguro flat five lang ang height niya pero grabe kung magmataas ang kilay niya. Maganda naman sana ito, kaso nawawala ang ganda niya dahil unang tingin pa lang halatang maarte na.
“Nandito na ako kaya, you can go home now,” pagtataboy niya sa akin. “I am sure, napilitan lang silang tawagin ka dahil akala nila busy ako. A
