DODONG’S POV
Hindi ko alam kung anong mas nakakakaba yung mismong date namin ni Dadang o yung mga sinabi ng mama at papa niya kahapon na gusto raw nila ng triplets agad.
Hanggang ngayon, nanginginig pa rin yung tuhod ko tuwing naiisip ko ‘yon. Triplets daw agad! Eh ni hindi pa nga ako sure kung papayag si Dadang sa date na to nang walang pa-“arte mode.”
Kanina pa ako sa harap ng salamin, pinipilit kong ayusin ang buhok ko pero parang ayaw makisama. Parang sinasabing, “Wala kang laban sa kilay ni Dadang, pre.”
“Kuya!” sigaw ni Jude mula sa pinto. “Kanina ka pa d’yan! May lakad ka ba? Or may haharapin kang beauty queen?”
“Tumahimik ka nga, bata. Mag-aayos lang ako.”
“Mag-aayos o magpapakyut? Alam ko naaa! Si Ate Dadang nooo!”
“Puro ka satsat, Jude. Ikaw kaya ang papuntahin ko sa date
