MARAHAN kong inimulat ang aking namumugtong mga mata. Bumungad sa akin ang puro puting paligid. Hindi ko namalayang nakatulog pala ako. Teka, 'yong anak ko. Kumusta ang anak ko?
"Gising ka na pala."
Nakuha ang aking atensiyon ng isang boses na kapapasok pa lamang. Kaagad akong lumingon sa direksyon nito at bumungad sa akin ang isang hindi pamilyar na lalaking nakasuot ng lab gown. Sa tingin ko isa siyang doktor at sa likod niya ay dalawang mga nars.
"D-Doc, kumusta po ang anak ko?" nababalisang tanong ko at akmang tatayo pa sana ako sa aking hinihigaang kama nang pigilan niya ako.
"We did our best, Ms. Madrid. Don't worry, your child is safe. Mabuti na lamang at malakas ang kapit niya kaya nagawa namin siyang matagumpay na maisalba."
His words felt like music to my ears. Gumaan ang
