MATAPOS naming magpa-facial massage ni lola, sunod naman kaming dumiretso sa isang botique. Hindi ko alam kung ano ba ang mga dapat kong piliin o bilhin pero si lola Mathilda ang sabi niya ay kumuha lang daw ako ng mga gusto ko. Hindi ko namana alam kung ano. Hindi naman kasi ako materialistic na tao. Wala akong alam sa mga ganitong bagay kaya todo alalay rin sa akin si lola Mathilda sa mga kailangan ko.
“Kuhanin mo lang ang lahat ng gusto mo," nakangiting sabi sa akin ni lola Mathilda. Isa pa iyon sa problema ko. Kung ako ang tatanungin, ayos naman na sa akin ang mga dati kong gamit at isa pa, nasanay ako at lumaki kay mama na hindi binibilhan ng kung ano-anong gamit kaya naman sobrang naninibago at nangangapa pa ako ngayon.
Alam kong masasanay rin ako, pero hindi ko alam kung kailan.
