Michiko’s POV
Nalaman ko na nag-resign na pala si Caelen at ang huling proyekto niya ay iyong nasira kong blueprint. Kaya siya nagalit sa akin ay dahil gusto niyang matapos kaagad ang huling proyekto na iyon. May magandang oportunindad na makapagtrabaho siya rito sa Baguio at dahil hiling din naman ng mga magulang niya na huwag na lumayo sa kanila kapag nabigyan ng pagkakataon na magtrabaho rito ay manatili na lang sa Baguio. Dahil malapit siya sa mga magulang niya kaya tinanggap niya ang alok sa kanya. Isa pa, may edad na ang mga magulang niya kaya gusto niyang nababantayan ang mga ito.
Akala ko nga ay malinaw sa kanya ang napag-usapan namin pero hindi naman siya tumigil sa pagdalaw sa akin pati na rin sa pagpapadala ng pagkain. Oo, pagkain talaga ang dinadala niya dahil mapapagod daw a
