Michiko’s POV
Mukhang gumaganti sa akin ang kaibigan kong si Charlotte dahil ang haba raw ng ginawa niyang paliwanag kay Cleo dahil sa kadaldalan ko noong magkakasama kami. Sinabi ko naman na kasalanan niya iyon dahil hindi naman siya nagbigay ng babala sa akin kaya tinatawanan lang niya ako ngayon at inaasar habang nakatingin sa akin.
“Charlotte, naiilang na ako sa pagtitig mo sa akin! Sabihin mo na lang kung hindi bagay sa akin! hindi iyong kanina mo pa ako inaasar diyan!” sigaw ko sa kaibigan ko dahil kanina pa tawa nang tawa habang nakatitig pa sa akin.
Narinig ko pang tumawa siya pero hindi pa rin naman ako lumingon sa gawi niya pero ramdam na ramdam ko ang pagtitig niya sa akin at hindi ko siya tinitingnan dahil abala ako sa pag-aayos ng bulaklak dahil maraming order sa amin ngay
