Caelen’s POV
Matagal pa siyang nag-isip noong binanggit ko sa kanya na una kaming nagkita sa Mount Batulao. Sa tingin ko nga ay pilit niya iyong inaalala kaya tinulungan ko na siyang maalala iyon. Kagaya ng sinabi ko sa kanya ay September 2017 ang una naming pagkikita, natandaan ko iyon dahil doon ko rin nalaman na may sakit ang matalik kong kaibigan na si Vonn.
Kagaya rin ng sinabi ko ay hindi kami magkakilala noong nagkita kami at wala akong ideya na siya ang nobyo ni Vonn noon. It was a magical moment that made me smile automatically. Hindi ko pa alam kung ano ang espesiyal sa kanya noon para mapangiti kaagad ako.
“May sakit na si Vonn noong mga panahon na iyon,” sabi ko sa kanya.
“Wait lang. Kung sinasabi mong September tayo nagkita, ang ibig sabihin ay iyon ang mga panahon na naki
