TILA pinasan ko ang buong mundo nang unti-unting lumayo sa kaniya at unti-unti ring binibitawan ang bawat daliri ng kaniyang kamay. May luhang tumulo mula sa mga mata ko.
"Okay, cut!" sigaw ni Direk kaya't agad akong bumuntong hininga at pinunasan ang luha ko.
Sinalubong kami nang malawak na ngiti ni Direk.
"Ang galing niyo ngayon, ah? Kayo ba ay may mga pinanghuhugutan?" tanong niyang nakakaloko.
"Wala naman, Direk," kamot ulong sabi ni Tristan na nasa gilid ko.
Ngumiti ako ng maliit sa kaniya nang bigla akong titigan ni Direk nang nakakaasar. Nginisian ko siya.
"Alam ko na 'yang mga ganiyan mong ngiti, Direk! Tigilan niyo ako," nakataboy ang kamay kong sabi habang ipinipikit ang mga mata.
Nagtawanan sila at nakisawsaw pa ng komento ang mga staff.
"Mas lalo kayong bumabagay sa is
