MAAGA akong gumising upang maagang makapagluto. Nangako ako kay Dianna na sisiguraduhin kong mas sasarapan ko pa ang luto ko ngayon para sa kaniya.
Nag-aral pa ako ng culinary arts para lang mapagluto ko siya ng masasarap na pagkain.
Alam kong marami akong kasalanan sa kaniya. Alam ko kung gaano kalalim na sugat ang naidulot ko sa kaniya kaya gagawin ko ang lahat. Ibibigay kong lahat para mapatawad niya ako at hinding-hindi ko na hahayaan na muli pang babagsak ang katawan niya nang dahil lamang sa akin.
Mahigit isang oras bago ko naluto ang kanin at ang bicol express. Isa ito sa mga paborito niyang kainin. Sigurado naman kasi akong nami-miss niya ang mga lutong Pinoy.
Mula sa cabinet ay kumuha ako ng dalawang tupperware para sa ulam at kanin niya.
Halos mapuno na nga ng mga tupperware
