BAGO ako dumiretsiyo sa bahay nila Papa ay dumaan muna ako sa isang grocery store upang mamili ng mga pagkaing matitipuhan ko.
Pinagtinginan ako ng mga tao sa pagpasok ko pa lamang sa loob ng grocery store. Napasinghal na lamang ako at napaikot ng mga mata. Mabuti na lamang at natatabingan ng itim na salamin ang aking mga mata kung hindi ay makikita nila ang kamalditahang tinataglay ko.
Kumuha ako ng isang basket at naglibot-libot sa loob ng grocery store. Una kong pinuntahan ang mga chocolate drinks na paborito kong inumin at isinunod ko ang mga tinapay na matagal ko nang hindi nakakain dahil sa nakulong din ako sa loob ng bahay ng matagal-tagal.
Nang nasa kalagitnaan ako ng pamimili ay bigla akong natigilan.
Pakiramdam ko'y bigla na lamang umangat paakyat sa ulo ko ang lahat ng dugon
