NANG matagpuan ni Tristan si Dianna sa tulong ng katrabahong doktor nito ay nagkaroon siya ng pagkakataon upang makausap ito.
"D-Dianna, ano kasi—"
"Huwag kang magpautal-utal. May pasyente pa ako na kailangan maturukan ng gamot. Nagmamadali ako," malamig at mataray nitong pagputol sa sinasabi ni Tristan.
May dala siyang tray na may lamang gamot at syringe. Nasa hospital pa rin sila at patuloy na nagpapagaling ang anak ni Yannah habang si Dianna ay nagtatrabaho. Maging sila ay chineck-up din upang matiyak ang kaligtasan ng kanilang ulo dahil sa pagsalpok nila sa puno. Mabuti na lamang at walang damage o kahit namuong dugo lamang sa kanilang mga utak maliban sa bata na malala ang naging tama.
"Dianna, kahit na limang minuto lang ay pakinggan mo sana ako."
Tinignan ni Dianna ang suot niy
