Nagising si Nayume na ang nag-aalalang mukha ni Mia ang una niyang nakita nang mga sandaling 'yon pero si Cedric naman ang unang taong pumasok sa kanyang isipan kahit pa sa kanyang kalagayan.
"Ate?" nag-aalalang sambit ni Mia saka mabilis itong lumapit sa kanyang hinihigaan. "Kumusta na ang pakiramdam mo? May masakit ba sa'yo?" sunod-sunod nitong tanong sa kanya habang kinakapa nito ang kanyang noo at leeg.
"Si Cedric? Kumusta si Cedric?" tanong niya saka siya nagmamadaling bumaba ng kanyang hinihigaan pero mabilis naman siyang pinigilan ni Mia.
"Ate, baka mahihilo ka pa," paalala nito sa kanya.
"Gusto kong makita si Cedric. Gusto kong malaman ang tunay niyang kalagayan," umiiyak na niyang saad habang pinipilit na makawala mula sa pagkakahawak sa kanya ni Mia sa magkabila niyang bras
