'GANITO ba talaga kaliit ang mundo?' piping tanong ng isip ko habang naglalakad pabalik sa kuwarto ng aking anak. Bitbit ko ang dalawang cup ng kape para sa aming mag-asawa.
Hindi ko inaasahang dito kami magkikitang muli ng estrangherong iyon sa bar. Ang hindi pa kapani-paniwala, doktor pala siya sa ospital kung saan naka-admit ang aking anak.
Sumagi sa isip ko ang tagpo sa una naming pagkikita. Akala ko talaga ay may masama s'yang intensyon ng mga sandaling iyon. Sino nga ba ang mag-aakalang doktor pala ang kanyang propesyon sa prestihiyosong ospital na ito?
Ilang ulit akong napailing upang itanggi sa aking isipan ang nagsusumiksik na alaala kung gaano ako kakomportable kapag nasa paligid siya at ang kakaibang pakiramdam na namumuo sa maliit na bahagi ng aking puso. Sa nagdaang gabi a
