Page 35
Stressing
*****
Sumunod ako kay Mr. Luis paalis nang function hall. Lumabas kami at nagpunta sa isang pribadong silid na napagtanto kong main office ng clubhouse. Walang tao doon maliban sa amin. Naupo siya sa isang single couch na naroon at iminuwestra naman ako na maupo sa katapat nito na upuan. Tahimik akong tumalima.
Maliwanag ng buong silid at naririnig ko ang tunog ng aircon sa isang sulok. May nakapagitan sa amin na isang pahabang lamesita na gawa sa salamin.
Huminga ako ng malalim. Naramdaman ko ang panunuot lamig sa balat ko. Dulot ito ng aircon at ng kabang pumupuno sa dibdib ko.
Bakit ako gustong kausapin ni Mr. Luis Escaner? May kinalaman ba ito sa trabaho ko?
"How was your work Ms. Montes?" Napapitlag ako ng magsalita siya.
