Pipikit-pikit na nagmulat ng mata si Fegari. Asul na kalangitan at mga ibong lumilipad na para bang naglalaro sa mga nagkalat na ulap ang unang tumambad sa kanya. Mabini rin ang hanging dumarampi sa kanyang pisngi na sinabayan nang mahinang tunog ng kaluskos ng mga dahon sa paligid.
Tumagilid siya ng higa, dumaan naman sa paningin niya ang isang magandang paru-paro. Nag-iiwan ng kumikinang na alikabok ang pakpak nito sa tuwing gumagalaw. Inilipat niya ang tingin sa isang nilalang na nakaupo sa tabi niya.
"Oy Fegari, kung tapos ka nang managinip tumayo ka na diyan."
Boses 'yon ng kuya Izari niya.
'Teka nga sandali, nasa'n ba 'ko? Bakit ako natutulog sa labas?'
Sa naaalala niya...
Bumalikwas siya ng bangon at binalingan ang kapatid. "Kuya! Ang sama ng panaginip ko! N-Nakakita ako ng dr
