Natapos na ang lindol na dulot ng galit ng Quinra pero sa kabila no'n, hindi pa rin tumitigil sa pagwawala ang mga halimaw. May tumatakbo sa kung saan-saan at umaakyat sa mga barko mula sa ilalim ng tubig. Walang nagawa ang mga pirata kundi tulungan ang mga sundalo na patayin ang mga halimaw sa utos ni Spayer Rillow.
"Madali kayo! Ilikas ang lahat ng mga nindertal na walang kakayahang lumaban!" sigaw ni Shitarka Soligoban sa mga tauhan at kapitan ng mga sundalo.
"Hindi na masama kapitan," turan ng isang kapitan ng Heven Pirates kay Soligoban.
Umatras siya sa likuran nito kaya nagdikit ang mga likod nila. "Hindi na rin masama pirata."
Pumalibot sa kanila ang limang malalaking Ginx. Walang usap-usap, sumugod agad ang dalawa sa magkaibang direksiyon.
Kumpara kanina kumonti na ang mga hal
