"Ah~ah, kailan kaya babalik ang kamahalan?" Ngumuso si Fegari tapos ay sumandal sa katawan ng puno. "Sampung minuto na simula nung nahulog siya sa tubig pero hanggang ngayon hindi pa rin siya umaahon."
Matapos iligtas ng tatlong Dal ang mga kasamahan ng kanilang amo at dalhin sa malapit na kalupaan ay agad silang nagtago sa itaas ng puno. Ilang minuto pagkatapos no'n ay isa-isa nang nagising ang mga ito at agad na nagpanic nang hindi makita si Avanie. Nararamdaman ng tatlong Dal na maayos ang kalagayan ng amo nila pero hindi nila alam kumbakit hindi pa ito umaahon.
"Hindi kaya nagustuhan niya sa ilalim ng tubig?" nakangiting wika ni Izari.
"Mali kayo kuya, nanghuhuli siya ng isda," sabi naman ni Satari.
"Aanhin niya yung isda?" nagtatakang tanong ng dalawa sa kapatid.
"Uulamin mamaya.
