"Nandito ako para tulungan kayo." Nakita niyang tumaas ang kilay ng dalawa dahil sa sinabi niya.
"Duda ako diyan," sagot ni Moon. Malinaw na naghihinala ito. "Sa sinapit ni Riviel matapos ang laban namin, di ba dapat magalit ka sa'kin dahil ako ang naging dahilan kung bakit nangyari 'yon sa kanya? Pero heto ka ngayon at nag-aalok ng tulong. Iniisip mo bang kakagatin ko ang alok mo na parang isang gutom na asong ngayon lang nakakita ng buto? Nagkakamali ka. Sabihin mo, knight, anong binabalak mo?"
"Base sa narinig ko, hindi mo itinatanggi na may kinalaman ka nga sa pagkakalason ng mahal na Hari. Ako dapat ang magtanong sa'yo. Sabihin mo, Prinsipe, anong gusto mong makuha at nagawa mong lasunin si Haring Riviel?"
Tumalim ang tingin ni Moon kay Regenni. "Hindi ko siya nilason!"
"Mayro'n k
