Mariing pumikit si Chance nang makita ang paghahandang ginagawa ng Carvian ni Hadis. Napakamot siya sa baba tapos ay naiinis na namewang. Nag-iisip siya kung gagamitin niya ba rito ang kapangyarihan niya o hahayaan na lang itong sumugod at didipensa na lang siya.
Hindi naman sa natatakot, kaya lang kasi...
'Nak ng! Ayokong pumatay ng Nindertal! Kapag ginamit ko sa kanya ang full manipulation control, hindi 'yon kakayanin ng utak niya at BOOM! Siguradong sabog lahat ng karne sa loob ng bungo niya.' Asar na ginulo nya ang sariling buhok. 'Hu hu hu! Anong gagawin ko?'
Napakurap siya ng ilang beses at nakita niyang pasugod na si Hadis. "Bahala na nga! Maparusahan na kung mapaparusahan!"
Tumalon si Chance nang mataas at nanatili muna roon. Malalim na ang gabi pero heto't maingay ang paligid
