Mula sa nilalang na lumabas sa usok, mabilis na lumipat ang tingin ni Rhilia kay Avanie. Hindi ito gumagalaw, mukha lang itong gising pero ang totoo ay wala itong malay.
Isang napaka delikadong sitwasyon.
Hindi alam ni Avanie kung ano ang ginagawa nito kapag nasa ganitong kalagayan. Nagsilabasan ang mga simbolo sa katawan nito at isa lang ang ibig sabihin no'n—nagpipilit kumawala ang malakas na kapangyarihan.
Dahil sa sobrang lakas na kapangyarihan na hindi pa alam ng Quinra kung pa'no gamitin, napilitan ang diyos ng kadiliman na lagyan ng seal ang katawan nito. Isang paraan para maiwasang kumawala ang malakas na kapangyarihan na maaaring magdulot ng malaking pinsala sa mundo ng Iriantal.
Pero kahit ang mga 'yon ay may hangganan din. Sa oras na magwala ang kapangyarihan sa loob ng Quin
