Ang pinakahihintay na laban ni Haring Riviel Qurugenn at Prinsipe Moon Siklogi!
Maliban sa mga Nindertal sa loob ng paaralan ay wala nang iba pang nakakaalam na may magaganap na laban sa pagitan ng dalawang maharlika.
Parehong may mataas na antas sa lipunan ang dalawang maglalaban kaya ginawa ng pamunuan ng Heirengrad ang lahat para maitago ang tungkol dito, dahil oras na may makaalam, siguradong magkakaroon ng malaking gulo na maaaring mauwi sa pagkakaroon ng hindi unawaan sa pagitan ng Ishguria at Asteloma.
Hindi biro ang nangyayari subalit dahil nga kumuha si Prinsipe Moon Siklogi ng request para sa isang duelo na dumaan naman sa tamang proseso, walang nagawa ang pamunuan kundi aprubahan ito. Kahit na sabihing hindi pinapaboran sa Heirengrad ang mga titulo ng isang Nindertal, may mga
