Asturia
Zerith fortress
Kwang! Kwang! Kwang!
Klang! Klang! Klang!
Swish! Swish!
"Lakasan niyo pa ang paghampas! 'Yan lang ba ang kaya niyo? Binigyan ko na kayo ng agahan pero ang tatamlay niyo pa rin! Bilisan ang kilos!"
Kwang! Kwang! Kwang!
Klang! Klang! Klang!
Kuntentong ngumiti si Fortisimo Agueros nang makita niyang lalong binilisan ng mga sundalo ang kilos ng mga ito. Ilang buwan na simula nung ibinigay sa kanya ang trabahong sanayin ang mga sundalo.
Noong una, daig pa ng mga ito ang lantang halaman kung kumilos pero mabilis na nagbago 'yon makaraan lang ang ilang linggo dahil sa pagsasanay na ginagawa niya.
Siya ang kapitan ng hukbong ito at siya rin ang inatasan ni Haring Bernon Zeis na humawak sa mga sundalo sa nalalapit na paglusob nila sa Mizrathel.
Sa totoo lang, exci
