JAYDEE
Sapilitan kaming pinababa ni Lucas. Lumapit siya sa akin para alalayan ako. Pagbaba namin ay may isang lalaki na hawak si Amy na walang tigil sa pag-iyak. May busal na ang bibig nito at pilit kumakawala sa lalaking nakahawak rito. Napuno ako ng pag-aalala para rito dahil may bahid ng dugo ang gilid ng labi nito. Marahil ay nanlaban ito kaya nasaktan ito ng lalaki.
"Ikaw na babae ka, kanina ka pa, ha. Tumigil ka dahil hindi na lang iyan ang aabutin mo!" mariing sambit ng lalaki kay Amy.
"Huwag! Please, huwag n'yo s'yang idamay," maagap kong pigil rito ng akma nitong sasampalin si Amy.
"Pare, halika na. Umalis na tayo rito," sabi ng isang lalaki na kasama naming bumaba.
"Paano ang babaeng ito? Hindi naman kasama ang babaeng ito sa dudukutin natin."
"Dispatsahin mo na."
N
