JADE
Maya't maya ang sulyap ko sa mga lalaking nasa labas ng bahay. Parang hindi na bago sa akin ang sitwasyong ito na may mga lalaking nagbabantay sa labas ng bahay dahil pakiramdam ko ay nangyari na ito sa akin dati. Mabuti na lamang at may mga kasama ako kaya kahit paano'y nabaling ang atensyon ko sa kanila.
Natutuwa naman ako dahil grabe ako protektahan ni Lucas. Ayaw niyang malapitan ako, kami ni Lexus mula kay Tristan.
"Kailan mo kami dadalawin sa bahay, apo? Aba'y gusto na namin masolo ang bibong batang ito," sabi ni Lola Amor habang nakatingin kay Lexus na tahimik lang na nakaupo sa sofa at naglalaro ng bago nitong laruan na dala ng magulang ko at ni Tita Lucy.
"Siguro ho ay sa susunod na linggo. Kung pwede nga lang ho na pumunta kami ni Lexus sa inyo na kami lang ay ginawa
